amategeko ahana

Ikaze Ibitwerekeye Ahandi Twandikire

Ikaze ->Urwunge rw'Amategeko y' u Rwanda ->Igitabo cya 2: Amategeko Arebana n'Imiyoborere(IUbuyobozi, Imisoro, Umutungo, Inzego zinyuranye z'ubuyobozi) ->Imisoro,Umutungo n'Imali bya Leta,Igenamigambi ->Igenamigambi -> Ibarurishamibare ->Imiterere y’imirimo y’ibarurishamari mu Rwanda ->Itegeko > Itegeko Ngenga n° 01/2005 ryo kuwa 14/02/2005 rigena imiterere y’imirimo y’ibarurishamari mu Rwanda, Igazeti ya Leta n° 6/2005 yo kuwa 21 Werurwe 2005

Iri tegeko riboneka no mu : Igifaransa | Icyongereza  INTERURO  ITEGEKO NGENGA N° 01/2005 RYO KU WA 14/02/2005 RIGENA IMITERERE Y’IMIRIMO Y’IBARURISHAMARI MU RWANDA Igazeti ya Leta n° 6/2005 yo ku wa 21 Werurwe 2005 Itariki ryemerejweho: 2005-02-14 Itariki ryatangirijweho:2005-03-21 Imimerere:Rirakurikizwa

IBIRIMO [Hitamo ibyo wifuza kureba]        Umutwe 1.  INGINGO RUSANGE        Umutwe 2.  AMAHAME REMEZO        Umutwe 3.  IBYEREKEYE UBUHUZABIKORWA N’IMITERERE Y’URUSOBE RW’IBARURISHAMIBARE RW’IGIHUGU        Umutwe 4.  IBYEREKEYE GAHUNDA Y’IBARURISHAMIBARE Y’IGIHUGU        Umutwe 5.  IBYEREKEYE INSHINGANO YA BURI WESE YO GUSUBIZA IBIBAZO BY’AMABARURA Y’IBARURISHAMIBARE        Umutwe 6.  IBYEREKEYE IBANGA RY’IBARURISHAMIBARE        Umutwe 7.  : IBYEREKEYE IBIHANO        Umutwe 8.  IBYEREKEYE INGINGO ZISOZA

TEXTE Umutwe 7.  : IBYEREKEYE IBIHANO Ingingo:  27 Umuntu wese cyangwa ikigo uzaba yanze gusubiza, uzaba yatanze ibisubizo bituzuye cyangwa se binyuranyije n’ukuri abigambiriye, uzaba atubahirije igihe cyagenwe mu rwego rw’amabarura ategetswe, azahanishwa igihano cy’igifungo kitarengeje iminsi cumi n’itanu (15) n’ihazabu y’amafaranga y’u Rwanda kuva ku bihumbi icumi (10.000) kugera ku bihumbi magana abiri (200.000), cyangwa se kimwe muri ibyo bihano. Gutanga ihazabu cyangwa gufungwa ntibibuza uwakoze icyaha gusubiza ibibazo yabazwaga. Ingingo:  28 Bitabangamiye ibihano birushijeho gukomera biteganywa n’igitabo cy’amategeko ahana, umukozi wese wo mu rusobe rw’ibarurishamibare rw’Igihugu cyangwa se undi wese ugira uruhare mu gukora ibarurishamibare ry’Igihugu, uzaba yamennye ibanga mu gihe atabitegetswe mu buryo bwemewe n’amategeko, akabikora ari mu kazi ke cyangwa se atakigakora, azahanishwa igihano cy’igifungo cy’ukwezi kumwe (1) kugeza ku mezi atandatu (6) n’ihazabu y’amafaranga kuva ku bihumbi ijana (100.000) kugera kuri miliyoni imwe (1.000.000), cyangwa se kimwe muri ibyo bihano. Bitabangamiye ibihano birushijeho gukomera biteganywa n’igitabo cy’amategeko ahana, ibyo bihano ni byo bizanahanishwa umukozi wese wo mu rwego rw’imirimo y’ibarurishamibare ry’Igihugu cyangwa undi wese uzashyira amakosa nkana mu makuru y’ibarurishamibare, haba mu gihe arimo kuyatara, kuyatunganya, kuyasesengura, kuyatangaza cyangwa se kuyakwirakwiza. Ingingo:  29 Urwego, ikigo cyangwa umuntu wese uzatangaza imibare n’ibipimo byavuye mu mabarura y’ibarurishamibare ku rwego rw’Igihugu cyose, urw’Umujyi wa Kigali cyangwa areba nibura Intara yose atabiherewe uburenganzira n’Ikigo cy’Igihugu Gishinzwe Ibarurishamibare mu Rwanda, azahanishwa igihano cy’igifungo cyo kuva ku kwezi kumwe (1) kugeza ku mezi atatu (3) n’ihazabu y’amafaranga kuva ku bihumbi magana abiri (200.000) kugeza kuri miliyoni imwe n’ibihumbi magana atanu (1.500.000), cyangwa se kimwe muri ibyo bihano, bitabangamiye ibindi bihano biteganywa n’amategeko ahana. Ingingo:  30 Urwego, ikigo cyangwa umuntu wese usanzwe atuye cyangwa adatuye mu Rwanda uzakora ibarura cyangwa agakora ubushakashatsi bigamije kuvamo imibare y’ibarushishamibare ku rwego rw’Igihugu, urw’Umujyi wa Kigali cyangwa ireba nibura Intara yose, akabikora atabanje kubyemererwa n’Ikigo cy’Igihugu Gishinzwe Ibarurishamibare mu Rwanda, azahanishwa igihano cy’igifungo cyo kuva ku kwezi kumwe (1) kugeza ku mezi atatu (3) n’ihazabu y’amafaranga kuva ku bihumbi magana atanu (500.000) kugera kuri miliyoni ebyiri n’ibihumbi magana atanu (2.500.000), bitabangamiye ibindi bihano biteganywa n’amategeko ahana. Ibihano bivuzwe mu gika kibanziriza iki bikubwa kabiri iyo iyo mibare itangajwe.

Subira Hejuru †

:: Copyright ©jackseba1